Башкортстан миграция хезмәтләрендә озын чиратлар барлыкка килде. Ялга барырга теләүчеләр чит ил паспорты алу өчен сәгатьләп кенә түгел, көннәрчә чират торырга мәҗбүр. Алар арасында балалы аналар да шактый. Алар миграция хезмәтендә уңайлы шартлар тудырылмауга зарлана. Миграция хезмәтендә бу чиратларны ял итәргә чит илгә барырга теләүчеләрнең быел кисәк артып китүе һәм шул сәбәпле паспортлар әзерләп өлгермәү белән аңлаталар. Быел Төркиягә ялга баручылар аеруча нык арткан.