Accessibility links

чәршәмбе, 7 декабрь 2016, Казан вакыты 17:34

Teatr ähelläre berlegeneñ qorıltayı uzdı


Tatarstandağı Teatr ähelläre berlegeneñ qorıltayı biş yılğa ber tapqır uzdırıla. Düşämbe könne Akterlar yortına yözgä yaqın delegat cıyılğan ide. Qazandağı teatr citäkçeläre, rejisserlar häm akterların ber yulı möğayın şuşında ğına kürep buladır

Qorıltayğa Mäskäw qunağı - Rusiä teatr ähelläre berlege räise urınbasarı Gennadiy Smirnov ta kilgän ide. TR Premyer-ministrı urınbasarı – mädäniät ministrı Zilä Wälieva da qatnaştı. Töp süz aqça mäs’äläse, yäğni akterlarnıñ xezmät xaqı turında bardı.

Tatarstan teatr ähelläre berlegeneñ räise – G. Qamal teatrı akterı Renat Tacetdinov xisap çığışında biş yılğa näticä yasap uzdı. Ul 75 teatr ähelenä törle maqtawlı isemnär birelüen assızıqladı, rejisserlar gil'diäse oyıştırılu xaqında äytte, törle kiçälär uzdıruların bilgeläde. Barlığı 250 çara uzdırğan teatr ähelläre berlege. Kiläçäktä isä M. Sälimcanov isemendäge xalıqara premiä buldıru turında süz alıp baraçaqların belderde. Ämma iñ zur näticä dip Renat Tacetdinov Akterlar yortınıñ nihayät tözekländerelep betüen bilgeläde. Bu xaqta Rinat Tacetdinov

Ber yıl digändä tözekländerelep beterelüe şatlandırdı. Bezne akterlarnıñ xezmät xaqı tübän buluı borçıy. Xäzer teatr akterlarınıñ xezmät xaqın arttıru turında Xökümätkä citkerergä kiräk.

Teatr ähelläreneñ xezmät xaqı mäs’äläse turında bäynä-bäynä Rusiä teatr ähelläre berlege räise urınbasarı Gennadiy Smirnov söyläde. Anıñ süzlärenä qarağanda, akterlarğa xezmät xaqın här töbäk üzençä tüli ala. Misal itep ul Omski belän Samaranı kiterde. Anda akterlar 7-8 meñ tiräse ala ikän. Tatarstanda isä başqa Rusiä töbäkläre belän çağıştırğanda teatr ähellärenä xezmät xaqın urtaça tülänä dip bilgeläde. Tatarstan Mädäniät ministrı Zilä Wälieva kiläçäktä teatrlarğa grantlar bireläçäge turında assızıqladı. Akterlarğa isä Tatarstan byudjetınnan xezmät xaqı 4 meñ yarımnan artıq tülänä. Ä monnan tış teatrlar üz köçläre belän dä aqça eşli aluı mäğlüm.

Gastrol'lärgä çıqqanda bezneñ teatrlarğa zur bäye birelüen assızıqladı Zilä Wälieva. Bilgele, gastrol'lär da zur çığımnar sorıy. Häm bu oçraqta härwaqıt Xökümät yärdäm itä.

Zilä Wälieva tamaşaçınıñ zäwığı üzgärüen dä äytte. Şuña berlektä kübräk professional'lekne üsterü xaqında fiker yörtü kiräklegen assızıqladı.

Qorıltayda räis saylandı. Teatr ähelläre berlegeneñ citäkçese bulıp qabat Rinat Tacetdinov qaldı.

Landış Xarrasova.

XS
SM
MD
LG