Accessibility links

якшәмбе, 11 декабрь 2016, Казан вакыты 01:25

Diabetçılar mitingqa çıqtı


Comğada Qazanda, Qamal teatrı qarşında diabet çire belän awıruçılar miting ütkärde. Alarğa daru alır öçen ay sayın sigez meñgä yaqın aqça kiräk. Ber yıl elek mäğlüm rusiä qanunı buyına, däwlät alarğa yärdäm itüdän baş tarttı, yäğni, diabet belän awıruçılarnıñ taşlamaları beterelde. Döres, alar sotsial' paket digän närsä belän yärdäm itü qaralğan bulğan. Däwlät, insulin işe darular belän yärdäm iäergä cıyınğan bulğan. Ber öleşe. Taşlama urınına birelä torğan aqçağa aldanğan. Läkin, ul aqçağa aylıq insulin alu mömkin tügel ikän. Xäzer bu keşelär, miting ütkärde. Kiçke yaqta, qayber awıruçılar, insulinsız ülgänçe, açtan üläbez digän öndämä astında açlıq iğlan itärgä dä cıyınularnı belderdelär. Açlıq turında älegä tögäl mäğlümat yuq. Tatarstan parlamentı utırışında, respublika räsmiläre bu mä’sälägä iğtibar itkännär ide. Rusiä prezidentına, diabet belän awıruçılarğa, buşqa insulin belän tä'min itüne qaytarunı sorap möräcäğät tä qabul itte, respublika parlamentariyları. Wäzğıät ni belän tämamlanır- tanıştırıp barırbız.

Räfis Cämdixan

XS
SM
MD
LG