Feodosiä -- Qırımnıñ Feodosiä qalasında Ukrainanıñ NATOğa kerüenä qarşı protest çaraları däwam itä. Protest belderüçelär, xalıqara künegülärdä qatnaşu öçen kilgän xärbi texnikanı porttan çığarmıy. Feodosiä, Aluşta häm Sudak xakimnäre üz şähärlären "NATOdan azat territoriä" dip iğlan itkän. Prokuratura bu qararlarnı kire qaqqan. Ul arada Ukraina prezidentı Viktor Yuçenko protest çaralarında qatnaşu öçen Qırımğa kilgän çit il keşelären, şul isäptän Rusiälelärne dä, annan çığarırğa quşqan.
