Accessibility links

пәнҗешәмбе, 8 декабрь 2016, Казан вакыты 11:02

Ukraina Äflisun inqilabına 2 yıl tulunı bilgeli


Bıltır prezident Viktor Yuşçenko 2004 yılda prezident saylawlarında xärämläşülärgä qarşı uram cıyınnarı başlanğan kön - 22-nçe noyäberne İreklek Köne dip iğlan itte. Ul çaqta mäxkamä xärämläşülärne tanıp Yuşçenkonıñ köndäşe Viktor Yanukoviçqa prezident bulu mömkinlege birmäde. Ämma Yanukoviç xäzer premyer ministr. Äflisun inqilabı berektäşläre inde bülgälängän. Yuşçenkonıñ Bezneñ Ukraina partiäse oppozitsiädä. Bügen Yanukoviç cämğiät Äflisun İnqilabı çorındağı büleneştän qotılırğa tieş dide. "Min çınnan da bezneñ äflisun tösendägelärgä, zäñgär häm aqlarğa bülenüebez tarixta qalsın, ışanıç, teläklärebez urtaq säyäsi töskä, däwlät äläme tösenä yaqınaysın dip telim" dide Yanukoviç. Äflisun İnqilabında xalıq cıyılğan Bäysezlek mäydanında bügen küp xalıq cıyılmadı.

XS
SM
MD
LG