İran prezidentı Mäxmüt Äxmädinicat BMO İminlek Şurası İranğa qarşı tağın 10 rezolütsiä çığarsa da bu İrannıñ atom säyäsätenä täesir itmiäçäk dide. Äxmädinicat monı däwlät televideniese aşa kürsätelgän parlamenttağı çığışında äytte. BMO İminlek Şurası Tährannıñ atom programmasınnan baş tartuına ireşü öçen 23-nçe dikäberdä İranğa qarşı çikläwlär turında rezolütsiä çığardı. Könbatış İran atom qoralı yasarğa teli dip borçıla. İran monı kire qağa.
