Accessibility links

җомга, 9 декабрь 2016, Казан вакыты 22:31

Rusiä prezidentı Vladimir Putin Aziä däwlätläre buylap säfären Qırğızstan belän yomğaqlıy


Rusiä prezidentı Vladimir Putin bügen Aziä däwlätläre buylap säfären tämamlap soñğı tuqtalışnı Qırğızstan başqalasında yasadı häm bügen ük prezident Askar Akayev belän oçraştı. Rusiä-Qırğızstan söyläşüläreneñ köntärtibendä terrorğa qarşı çaralar häm Üzäk Aziä wä Äfğanstandağı totrıqlılıq kebek mäs’älälär buldı. İke prezident 21nçe ğasırda qurqınıç tudırğan küreneşlär-xalıqara terror, qoral häm äfyün satu, legal bulmağan möhacirlekkä qarşı berlektä köräşü turındağı kileşüne imzaladı.

Tağın ber kileşü-Qırğızstannıñ Rusiägä bulğan burıçların tüläw tärtiben üzgärtü turında ide. Prezident Akayev, Rusiädä eşlärgä telägän qırğızlar öçen uñay şartlar tudırunı sorap Putinğa möräcäğät itte. Rusiädä 500 meñgä yaqın Qırğızstan watandaşı yäşi dip isäplänä. Akayev, şulay uq, Qırğızstannıñ, Rusiä öçen Üzäk Aziädäge iñ zur strategik xezmättäşenä äylänäçägenä ömet belderde. Putin, Rusiä Qırğızstan belän qızısına, dide. Bişkäkkä kiçä kilgän Rusiäneñ Saqlanu ministrı Sergei İvanov, Üzäk Aziädä wazğiät äle tınıç tügel, dip belderde.

Bäysez Däwlätlär Berdämlegendäge Urtaq İminlek Kileşüe qısalarında soñğı könnärdä Qırğızstannıñ Kant xärbi hawa bazasına Rusiäneñ xärbi oçqıçları kitertelä. Rusiä saqlanu ministrı Sergey İvanov süzlärenä qarağanda, bu ğamäl-Rusiäneñ Üzäk Aziädä xärbi köçen arttıru öçen eşlänmi. Oçqıçlar bilgesez waqıtqa Qırğızstanda qalaçaq. Älege waqıtta respublikada Quşma Ştatlar citäkçelegendäge terrorğa qarşı köräş koalitsiäseneñ 2 meñgä yaqın xärbie urnaşqan.

XS
SM
MD
LG