Accessibility links

якшәмбе, 11 декабрь 2016, Казан вакыты 11:14

Çallıda izge Tatyana çirkäwe tözügä qarşı toruda ğäyeplänüçelär aqlandı


Tatarstan pravoslavları da, şöker, Tatarstanda üz ğoref-ğadätlärençä yäşilär. Alar şuşı könnärdä Введение во храм Пресвятой Богородицы digän böek bäyrämnären barlıq çirkäwlärdä dä bilgeläp üttelär. Çallıda izge Tat'yana çirkäwe tözügä qarşı toruda Tatar ictimaği üzäge aktivistları dip yörtelgän ber törkem tatar äbilären ğäyepläwlär dä naxaq bulıp çıqtı. Mäğlüm ki, älege çirkäw tözeläse urında quyılğan çasovnyanı cimerüdä ğäyeplänep, 3 pensioner xatın-qızğa cinayät eşe quzğatılğan ide. Bu tarixnı “Azatlıq” radiosı daimi söyläp kilde. Älege äbilär Çallı şähäre administratsiäsenä qarşı däğwa quzğattılar. Alar fikerençä, pravoslav çirkäw tözü öçen cir bülep birü qanuni yul belän eşlänmägän, çönki 1973 yılda qabul itkän general' plan buyınça bu urında mädäni-tamaşa üzäge tözelü qaralğan bulğan. Şuña kürä qarşı däğwa quzğatuçılar cinayät eşe raslanğan general' planğa qanunsız üzgäreşlär kertüçelärgä qarata quzğatılırğa tieş, dip beldergännär. Şulay uq däğwaçılar şähär büdjetınnan xramnı küçerep quyu öçen bülep birelgän 450 meñ sumnı qanun bozu dip tanırğa häm älege aqçalarnı kiçekmästän qaytarıp birüne taläp itkännär. 4 dekaber, çärşämbe könne Çallı şähäre mäxkämäse älege däğwanı tikşerde häm anıñ dälilläre belän kileşte, dip xäbär itä Tatnews.ru mäğlümat agentlığı.

Yunıs Ätnäle

XS
SM
MD
LG