Kiläse atnada Pekinda Quşma Ştatları, Tönyaq Korea häm Yaponiä wäkilläre cıyılıp Tönyaqnıñ atom krizisı täräsendäge nizaqqa säyäsi çişeleş yulları turında fiker alışaçaq. Yaponiä xökümäteneñ yuğarı räsmi wäkile Yasuo Fukuda, bu söyläşülärne-tınıç yul belän nizaqnı xäl itüdäge berençe adım dip atadı. “Küp däwlätlär arasında barğan söyläşülärdän soñ , Quşma Ştatları, Tönyaq Korea häm Qıtay wäkilläreneñ oçraşuı uzaçaq-bu berençe adım. Yaponiä xökümäte, Tönyaq Korea nizağın tınıç yul belän çişüneñ berençe adımı bulğan bu söyläşülärne xuplıy,” dide Fukuda.
Tönyaq Korea uzğan yılnıñ üktäbr ayında atom töş qoral turındağı programması turında iğlan itkännän birle Waşington häm Pxenyan berençe tapqır söyläşülär östälenä utıra.
