Iraqnıñ in zur şığı törkemeneñ citäkçese Ayatolla Möxämmäd baqir al-Hakim 23 yıl İranda eksildä yäşägännän soñ bugen irtän ilendä yaqlauçıları tarafınnan şatlıq belän qarşı alındı. Ğıraq İslam İnqilap Şurasınıñ citäkçese al hakim Ğıraq islam däwläte bulırğa tieş dip äytsä dä ul ekstremizmnı xökem itä. Şığılarnıñ üzäge Basra şährendä 10meñ çaması taraftarı aldında yasağan çığışında ayatolla , Ğıraqta çit keşelärneñ xakimiätkä kiteräçäk här törle xökümätne kire qaqqan. Ul AQŞne telgä almağan. Al hakim törkeme Ğıraqnıñ şäriğät qanunnarı belän idarä itelüen teli. AQŞ xakimiätläre İran stilında şığı teokratiäsenä qarşı buluların äytep quydı inde
