Accessibility links

шимбә, 3 декабрь 2016, Казан вакыты 20:47

SARS awıruı taralu kimi dip xäbär itelä


Dönya Sälamätlek Oyışmasınıñ Qıtaydağı wäkile Henk Bekedam SARS arıuı törle illärdä, şul isäptän Qıtayda da taraluınıñ iñ yuğarı noqtasın uzıp kimi başladı dip belderde. Qıtay xakimiätläre äytüençä, anda soñğı 2 täwlek eçendä ber genä yaña awıru oçrağı da terkälmägän. Şulay da tağın 2 awıru wafat bulğan. Qıtayda SARS awıruın yoqtırğan 5329 keşe bar. Bu awırudan anda 335 keşeneñ, dönyada 800-läp keşeneñ ğömere özelde. Bekedam süzlärençä, tizdän Dönya Sälamätlek Oyışması Qıtaynıñ SARS awıruı bulğan tönyaqtağı Hebei, Şanksi töbäklärenä häm Mongoliägä baruçılar öçen kiñäşlären yañadan küzdän kiçeräçäk. Qıtay sälamätlek saqlawçıları SARSnı yoqtıruçılar sanınıñ kimüe Qıtaynıñ bu awıruğa qarşı köräşne tuqtataçağın añlatmıy dide. Bügen Qıtaynıñ däwlät radiosı, tıyılğan Falun Goñ dini xäräkäteneñ 180-läp äğzası SARS turında imeş-mimeşlär taratqan, şul isäptän SARS Falun Goñ tarafdarlarına timi dip söylägän öçen qulğa alında dip xäbär itä.

XS
SM
MD
LG