Accessibility links

дүшәмбе, 5 декабрь 2016, Казан вакыты 13:40

Azärbäycan prezidentı bulırğa cıyınuçı Häydär Aliev ärmän köçläre Tawlı Karabaxtan kitärgä tieş di


Azärbäycan prezidentı Häydär Alievnıñ ulı, prezidentlıqqa namzät İlham Aliev Rusiäneñ Известия gazetına Tawlı Karabax nizağı turında fikerlären belderde. Tawlı Karabax xäzer Ärmänstan yaqlı köçlär kontrolendä. İlham Aliev bu nizağnı barı tik Tawlı Karabaxnı Ärmän köçlärennän tulısınça azat itü aşa ğına çayğa salıp bulaçaq di. İlham Aliev Azärbäycan cirläre azat itelmi torıp Azärbäycan Ärmänstan belän bernindi xezmättäşlekkä dä barmiaçaq dip belderä. Azärbäycan belän Ärmänstan arasında Tawlı Karabax öçen suğış 1994-nçe yılda atışlarnı tuqtatu kileşüe belän tuqtatıldı. Ämma Tawlı Karabax yazmışı äle täğäyen xäl itelmägän kileş qala. İlham hiçşiksez atası Häydärneñ warisı bulıp prezident känäfien üz qulına alır dip kötelä. 80 yäşlek Häydär Aliev sälamätlege naçarayu säbäple Quşma Ştatlarda däwalana. Azärbäycanda bu yılnıñ üktäber ayında ütäçäk prezident saylawlarında ike Aliev ta räsmi namzät bulıp terkälgän.

XS
SM
MD
LG