Accessibility links

шимбә, 10 декабрь 2016, Казан вакыты 15:48

Süriä üz-üzen yaqlaw xoquqı buluwı xaqında belderä


Damask. Süriä bügen, üzendä haman da üz-üzen yaqlaw xoquqı buluwın belderep, İzrail anıñ cirlärenä kiläçäktä yaña höcümnär yasağan oçraqta şul xoquqın qullanıp moña cawap qaytaraçağı belän kisätte. Bu xaqta Süriä tışqı eşlär ministrlığınıñ matbuğat wäkile Buşra Qänäfäni belderde. Anıñ süzlärenä qarağanda, İzrail uzğan atnadağı tösle Süriägä höcüm yasasa, Damask üzendä bulğan bar çaralar belän moña cawap qaytaru xoquqına iä bulaçaq. Ütkän yäkşämbedä İzrailneñ xärbi oçqıçları, Süriä cirendä urnaşqan häm İzrail xökümäte fälästin terrorçıların äzerläwçe dip bäyälägän utarğa höcüm yasağan ide. Süriä xökümäte ildä nindi dä bulsa fälästin terrorçıların äzerläwçe utarlar buluwın kire qağa. Damasknıñ bügenge belderüwenä İzrail yağı, terrorçılarğa sıyınu birgän teläsä nindi ilne İzrail höcüm yasaw öçen layıqlı sanawın äytte. Tışqı eşlär ministrlığı wäkile Gideon Meir, terror oyışmalarına tüzemlek kürsätkän däwlätlär üz-üzlären saqlaw turında belderülär yasıy almıy dip belderde.

XS
SM
MD
LG