Accessibility links

җомга, 9 декабрь 2016, Казан вакыты 07:08

Xorvatiä premyer-ministrı parlamentqa yaña xökümätne täqdim itte


Xorvatiäneñ yaña premyer-ministrı İvo Sanader bügen yaña xökümätne täqdim itte häm parlamentqa üz plannarın iğlan itte. Parlament aldında çığış yasap Sanader yaña xökümät – iqtisadi häm sotsial yünäleştä eş başqaraçaq, şulay uq Yevropa Berlege häm NATOğa kerü tırışlıqların däwam itäçäk, dip belderde. Şulay uq salım qanunnarına qağılğan üzgäreşlär, Xorvatiädä eşquarlıqnı üsterü kötelä. Uzğan aydağı saylawlar näticäsendä Sanadernıñ Xorvatiä Demokratik Berlege 152 keşelek parlamentta 66 urınğa iä buldı.

Bügen Xorvatiäneñ Ädrän diñgez buyındağı Split şähärendä ber maşinağa ağaç awıp 2 keşe hälak bulğan. Bu töbäktä naçar hawa torışı turında xäbärlär bar.

XS
SM
MD
LG