Şvetsiä prokurorı Anita Blidberg, premier-ministr Anna Lindhnı üterüdä ğäyeplängän keşegä ğömerlek törmä xökeme birergä soradı. Anıñ süzlärençä, bu cinäyätne qıluda ğäyeplängän Mixaylo Mixayloviç premier-xanımnı ütergändä üz aqılında bulğan. Çığışı belän Serbiädän bulğan 25 yäşlek Mixayloviç, keşe üterüwen tanısa da, "bu ğämälgä mine küktän iñgän tawış etärde" dip aqlana. Xäzer ul, premiernı üterergä telämäwen belderä häm täübä itä. Mixayloviçnıñ advokatı Peter Althin, xökem çığarğançı, anıñ ruxi sälämätlegen tikşerergä çaqırdı. Elegräk, Mixayloviç psixik awırudan däwalanğan, dielä.
