Accessibility links

пәнҗешәмбе, 8 декабрь 2016, Казан вакыты 03:18

Yevropa Berlege tışqı eşlär ministrları Brüsseldä terrorqa qarşı köräş mäs'älälären tikşerä


Yevropa Berlege tışqı eşlär ministrları bügen Brüsseldä oçraşıp terrorğa qarşı köräş yulları turında söyläşülär uzdıra. Şulay uq alar uzğan atnada Kosovoda çıqqan etnik nizaqqa täñqit beldergän dokument äzerli. Belderü ölgesendä Yevropa Berlege qatği räweştä etnik nigeze bulğan böten nizaqlarğa täñqit belderä, dielgän. Yevropa Berlege ministrları, xäzer töp burıç – Kosovoda tınıçlıq häm totrıqlılıq buldıru, dip sanıy. Uzğan atnada bu provinsiädäge bäreleşlärdä 28 keşe hälak buldı. Yevropa Berlege Kosovo citäkçelärenä möräcäğät itep – mondıy nizaqlar töbäkneñ kiläçägenä qurqınıç tudıra, dip belderä. Şul uq waqıtta Yevropa Berlege töbäktä demokratik häm küp millätle cämğiät tözü eşenä üz öleşen kertergä däwam itäçägen azsızıqladı. Çärşämbe könne Berlekneñ tışqı säyäsät başlığı Javier Solana Kosovoğa baraçaq. Bügen isä töbäkkä NATO başlığı Jaap de Hoop Scheffer kilde. Ul Kosovodağı Berläşkän Millätlär Oyışması wäkilçelege başlığı Harri Holkeri, Kosovo premyer-ministrı Bayram Recepi, prezident İbrahim Rogova, şulay KFOR tärtip saqlaw köçläre citäkçelege belän oçraşır dip kötelä.

XS
SM
MD
LG