Accessibility links

шимбә, 3 декабрь 2016, Казан вакыты 01:26

2004 yılda Tatarstannan 745 çit il watandaşı quwılaçaq




Eçke eşlär ministrlığınıñ, xezmät itärgä kilgän migrantlarğa mönäsäbäte äybät. Läkin, anıñ öçen alar Rusiä qanunnarın ütärgä tieş. Bu xaqta bügen, eçke eşlär ministrı urınbasarı Evgeniy Däwlätşin belderde. Çit il watandaşların räsmi töştä eşlätä başlağaç, byudjetqa kerem artqan, şul uq waqıtta, ildän quyıp oçraqları da yışayğan.

Tatarstan eçke eşlär ministrlığı, migratsiägä ağımın kontroldä totu kebek sınawında qatnaşa. Ütkän 2003 yıl eçendä Tatarstanğa 55 meñ migrant kilgän. Alarnıñ kübese: 83% tözeleştä eşli, 8% satuda, qalğanı – başqa eşlärdä .



Tatarstanğa kilgän çit il watandaşlarınıñ, başta, isem-familiälären maxsus bazağa kertälär. Annan soñ, bar keşelärne barmaq ezen alu kötä. Şuşı mäğlümatlarğa tayanıp, militsiä xezmätkärläre, qanun bozu oçraqları bulsa, çit il watandaşların bik tiz arada taba ala. Mäsälän, ütkän yılda, kilgän keşelärdän, 21 meñ keşe, cawaplılıqqa tartılğan bulğan. Ä 662 keşe bötenläy ildän quyıp çığarılğan. Bu äle ütkän yılğı sannar. 2004 yılda migratsiä xezmäte bu eşkä tağı da qatıraq totınğan ikän. Ütkän ber niçä ay eçendä, mäxkämä, 745 keşene respublikadan quyarğa, digän qarar çığarğan.



Eçke eşlär ministrlığı, çit il watandaşlarınnan, iñ berençe çiratta, 3 kön eçendä terkälüne taläp itä. Annan soñ, eş birüçe belän, kileşü tezelergä tieş. Anıñ öçen, eş birüçe keşe 3 meñ sum, ä eçkä yallanuçı tağı, 1 meñ sumnı respublika byudjetına küçerergä tieş.



Tözeleşkä arzanlı eççe qullarnı cälep itüçe keşelär, barın da tikşerüçelär aldına açıp salırğa telämilär. Çönki alarğa ğadi salımnardan tış, tağın 4 meñ sum östämä aqçanı däwlätkä birergä kiräk. Eş birüçelär, yış qına bu qanunnı boza. Çönki totılğan oçraqta da, alarğa anıñ öçen birelgän cazanı tüläw 2 tapqırğa arzanraqqa töşä. Bu xäl üzgärmiçä, älege qanunnı ütämäwçelär kimemäs, dip farazlarğa mömkin.



Bikä Timerova.

XS
SM
MD
LG