Accessibility links

шимбә, 10 декабрь 2016, Казан вакыты 23:39

Mäskäwdä taşlamalarnı aqça kompensasiäsenä alıştıruğa qarşılıq ğämälläre däwam itä


Natsional bol'şewistik partiäneñ 30läp wäkile Mäskäw üzägendäge sälämätlek saqlaw ministrlığı binasına bärep kerep, taşlamalarnı aqça qompensatsiäsenä alıştıruğa qarşılıq ğämäle ütkärde. Berniçä minut däwamında alar xökemätkä qarşı öndämälär qıçqırdılar, bina täräzäsennän älämnär bolğadılar. Annan soñ militsiä bu ğämälne tuqtattı häm berniqädär keşene totqarladı. “Aldınğı qızıl yäşlär” häm “Kommunistik yäşlär berlege” oyışmalarınıñ aqtiwistları taşlamalarnı aqçağa alıştıruğa qarşı açlıq iğlan itte. Alar Mäskäw üzägendäge Teatr mäydanında çatırlar qordılar. Monda irtä belän bu qanunnı qabul itügä qarşı 600 läp keşe uram cıyını ütkärde. Qarşılıq ğämälendä şulay uq “Rusiä Çernobıle” berlege häm Pensionerlar partiäse wäkilläre dä qatnaştı. Berniçä keşe totqarlandı.

XS
SM
MD
LG