Accessibility links

пәнҗешәмбе, 8 декабрь 2016, Казан вакыты 08:57

Jerusalim-Ramalla yulındağı İzrael tikşerü noqtası yanında şartlaw buldı


Könbatış yardağı İzrael tikşerü noqtası yanında bomba şartladı. Tabiplar süzlärenä qarağanda, yaralanuçılar bar, ämma tögäl mäğlümat älegä yuq. Şartlaw Jerusalimnan Ramalla''ğa barğan yulda bulğan häm polisiä wäkile belderüençä, anı intixar terrorçı oyıştırğan bulırğa mömkin. Fälestin yulbaşçısı Yasser Arafatnıñ Fatah xäräkäteneñ ber qanatı bulğan al-Aqsa intixarçılar brigadası şartlaw öçen cawaplılıqnı üz östenä aldı. Bügen irtän Gazadağı qaçaqlar lagerenä İzrael boralağınnan ut açıldı. Xärbi köçlär lagergä kerep tiz arada tikşerülär ütkärde. İzrael bu ğamälne "terror çeltärenä qarşı çara" dip atadı. Fälestin tabipları süzlärenä qarağanda, Gaza sızığınıñ könyağında Khan Yuonis cirendä bulğan raketa höcümendä 15 fälestinle yaralanğan.

XS
SM
MD
LG