Accessibility links

шимбә, 3 декабрь 2016, Казан вакыты 16:55

Bu bäyrämneñ mäğnäse


Äle 14 yıl elek 30 avgustnıñ bäyräm ikänen belüçe yuq ide. 1990 yılnıñ 30 avgustında Tatarstannıñ Yuğarı sovetı Suverenitet turında Deklaratsiä qabul itte. SSSR zamanında Soyuzdaş respublika bulırğa xıyallanğan Tatarstan üzeneñ statusın elekkege xälennän şaqtıy yuğarıraq kütärde. Döres, berniçä yıl ütkäç, älege demokratik xäräkät tuqtatıla başladı. Qayber qazanışlar, milli üseş, möstäqillek bilgeläre qısqartıldı. Soñğı yıllarda Tatarstan Respublikası köne Şähär köne dip atala başlağan ide. Bıyılğı bäyräm elekkegelärgä qarağanda, kütärenke ruxta ütep, “Respublika bäyräme” digän töşençä yışraq qabatlandı. Mintimer Şäymievneñ räsmi möräcäğäte, Däwlät Sovetı räise Färit Möxämmätşinnıñ räsmi gäcitlärgä birgän äñgämälärendä 30 avgust berençe çiratta respublika köne, Deklaratsiä qabul itelgän kön digän fiker assızıqlandı.

Bıyılğı bäyräm kiläse yılnıñ 30 avgustında ütkäreläçäk Qazannıñ meñyıllığına äzerlek, repetitsiä ide. Ber distä yarım hawa şarları, aerostatlar Yärminkä mäydanında teatral'läşterelgän uyınnar tağın da kamilläşterelep, san yağınnan arttırılıp, meñyıllıq bäyrämendä qabatlanaçaq. Kiçke säğät 18.00 barlıq qunaqlar, citäkçelär Üzäk stadionğa kerep kitte. Andağı tamaşalarnı söyläp kenä beterep bulmıy. Bälki NTV+ kanalı aşa sputnik tälinkäse yärdämendä “Yaña ğasır” kanalın qarawçılar, İnternet yärdämendä “Tatmedia”nıñ www.tatmedia.ru säxifäse aşa millättäşlärebez qarıy alır. Ä xäzergä bu xäbärne birep, Qazan byurosı iñ mawıqtırğıç häm qızıqlı kiçke tamaşalarnı kürergä Qamal teatrı yanındağı mäydanğa, Bolaq buyına häm Kreml' yanına, Qazansu buyına, stadion tiräsenä çığıp kitä.

XS
SM
MD
LG