Accessibility links

шимбә, 10 декабрь 2016, Казан вакыты 14:01

Urınınnan alınğan Hirat xakime Äfğanstan xökümätendä eşläwdän baş tarta


Qabul. Hiratnıñ bügen urınınnan alınğan xakime İsmail Xan prezident Xämit Qarzaynıñ xökümättä eşläw täqdimen kire qaqtı, ämma berük waqıtta üzeneñ Hirat xakime urınınnan alınuın qabul itüen belderde. Ul, xärbi zat bularaq üzäk xakimiat ämeren tanığanın äytte, läkin üzeneñ xökümät eşenä äzer bulmawın xäbär itte. Bügen irtäräk prezident Qarzaynıñ matbuğat wäkile, İsmail Xannıñ industriä ministrı itep bilgelänüen beldergän ide. İsmail Xan üzeneñ üzäk xökümätkä tuğrılığın qabatlasa da, anıñ qulı astındağı distälärçä meñ ğäskäri buluı Qabulda zur borçılu uayta. Äfğanstannıñ könbatışında yatqan Hiratta ul qatı qullı xakimdar bularaq idarä itte, keşe xoquqların yaqlawçı oyışmalar anı, ul üzeneñ säyäsi köndäşlären törmälärgä yabıp cäfalıy ide dip ğäyepläp kilde.

XS
SM
MD
LG