Äfğänstan mäxkamäse Äfğänstanda qanunsız räweştä üzläreneñ xosusıy törmälären buldırıp anda totqınnarnı azaplaw belän şöğellängän 3 amerikalını xökem itep alarğa törmä cäzası bilgeläde.
Alarnıñ 2-se 10 yılğa, berse 8 yılğa törmägä yabıla.
Bu 3 amerikan ixtiarıy räweştä terrorçılarnı ezläwgä quşılıp kimendä 8 keşene urlaw, üz törmälärenä yabu häm azaplawda ğäyeplänep iyül ayında qulğa alınğan ide.
Ğäyeplänüçelärneñ berseneñ advokatı Robert Fogelnest mäxkamädän bu ğäyepläwlärne kire alunı soradı. Fogelnest bu mäxkamä Äfğänstandağı xoquq sistemasınıñ xalıqara standardlarğa turı kilmäwen kürsätä dide.
AQŞ häm NATO köçläre bu amerikannar törkeme belän qayber elemtäläre buluın tanısa da alarnıñ yuğarı citäkçelek fatixası belän eş itkänlegen kire qaqtı.
