Bügen elek Berlin diwarı bulğan urında Timer Pärdä cimerelüneñ 15 yıllığı bilgelände.
Berlin üzägendä, Diwarnıñ saqlap qaldırılğan öleşe yanında şähär merı Klaus Wowereit diwar aşa könbatışqa qaçarğa tırışqanda üterelgän 200-dän artıq alman istälegenä çäçäk bäyläme saldı.
1961-nçe yılda tözelgän bu diwar 1989-nçı yılnıñ 9-nçı noyäberendä cimerelde.
Germaniä kanslerı Gerhard Schroeder 9-nçı Noyäber ireklek häm demokratiäneñ zur ciñü köne dide häm almannarnıñ kommunistik xakimiätne tınıç yul belän bärep töşerüen maqtadı.
Elekke könçığış berlinda xäzer eşsezlärneñ küp buluı häm könçığıştağılar belän könbatıştağılarnıñ keremnäre arasında totrıqlı ayırma saqlanıp kilü bu bäyrämgä külägä töşerü säbäple zur tantanalar yäki paradlar oyıştırılmadı.
