Neft tabuçı illär oyışması, OPEC, ğinwardan başlap neft tabunı könenä 1 million barelgä kimetergä kileşte. Bu qarar turında bügen oyışmanıñ Kahirädä ütkän oçraşuında iğlan itelde. OPEC illäre dönya bazarında neft bäyäsen kimetü öçen, berniçä ay buyına, zur külämdä neft çığarıp kilde. Üktäberdä ber miçkäneñ bäyäse 55 dollarğa citkän ide, xäzer 40 çaması. OPECnıñ bügenge xäbärennän soñ New York häm London birjalarında neft bäyäse urtaça yartı dollarğa arttı.
