Ukraina prezidentlğına oppozitsiä namzäte Viktor Yuçenko, "urıs telen Ukrainada ikençe däwlät tele itü tırışlıqları - säyäsi mäsälägä äylände", dip belderde. Berük waqıtta ul üzeneñ İnternet säxifäsendä Rusiä belän yaxşı mönäsäbätlär urnaştırırğa wäğdä itä häm 26 Dikäber saylawlarında ciñep çıqqan oçraqta, däwlät citäkçese sıyfatında berençe räsmi säfären Mäskäwgä yasayaçağın belderä. Ukrainadağı saylaw aldı kampaniäsendä tel mäsäläse töp mäsälälärneñ berse bulıptora. Xalıqnıñ 70% çaması köndälek tormışta urıs telen qullana. Urıslar yäşägän könçığış häm könyaq töbäklär Yuçenkonıñ köndäşen premier-ministr Viktor Yanukoviçnı xuplıy.
