İtaliäneñ tönyağında Bologna şähäre yanında 2 poyezd bäreleşü näticäsendä kimendä 10 keşe hälak buldı, berniçä keşe yaralandı.
Politsiä süzçese äytüençä, ber ük yuldan kilgän yök poyezdı belän yulçılar poyezdı Bologna şähärennän 40 çaqırım tönyaqta bäreleşkän.
Bäreleşüneñ tögäl säbäbe bilgele tügel. Räsmilär äytüençä, qaza waqıtında anda quyı toman bulğan.
Qayber vagonnar yuldan çıqqan, häm qayber yaralanuçılar awır xäldä dip xäbär itelä.
