Yewropa Ğäläm agentlığı xezmätkärläre Saturnnıñ iärçene Titanğa töşep utırğan Huygens isemle tikşergeç maşinadan kilgän mäğlümätlärme iğlan itte. Bu mäğlümätlär kiçä 2 säğät buyı däwam itkän Titanğa töşü barışında tuplanğan.
Huygens Titanğa töşep utırğannan soñ mäğlümätlär tapşırunı 2 säğät çaması däwam itkän. Huygens AQŞ, Yewropa häm İtaliä ğäläm agentlıqlarınıñ 3 milliard dollarlıq urtaq proyektınıñ ber öleşe.
Bügen kürsätelgän fotosürätlärdä Titannıñ ciñelçä metan tomanı belän qaplanğan äflisun tösendäge öslege, metan diñgeze bulırğa häm andağı zur boz kisäkläre utrawı bulırğa oxşağan närsälär kürenä.
Ğalimnär Titannıñ atmosferası bik borınğı Cir atmosferasına oxşaş dip isäpli. Alar äytüençä, Huygens cibärgän mäğlümätlär bezneñ planetada tormışnıñ niçek yaralğanı turında söylärgä mömkin.
