Londondağı şartlawlardan soñ Könbatış illärendä, bigräk tä alarnıñ transport sistemasında terrorğa qarşı iminlek çaraları arttırıldı.
Fransiä häm Germaniä xakimiätläre östämä iminlek çaraları kürelüen iğlan itte.
Waşington metrolarğa häm aftobuslarğa bomba ezläwçe etlär häm qorallı politsiä xezmätlärläre cibärde.
2001-neñ 11-nçe sintäberendä zur terror höcüme kiçergän New York şähäreneñ metrosında iminlek maqsatındağı tikşerülär arttırıldı häm yulçılardan xucasız paketlarğa iğtibarlıraq bulu soraldı. Mäskäw metrosında iminlek çaraları arttırıldı.
İspaniä dä barlıq iminlek çaraların kürä. İtaliäneñ civil aviatsiäse hawa alannarında iñ yuğarı däräcä iminlek çaraların kertte.
