Taşkent BMOnıñ qaçaqlar idaräsen Qırğızstandağı üzbäk qaçaqların Üzbäkstanğa tapşırudan baş tartıp cinayätçelärne häm terrorçılarnı yaqlawda ğäyepläde.
Üzbäkstannıñ baş prokuror idaräse belderüendä Qaçaqlar idaräse bu oyışma maqsatlarınıñ däräcäsen töşerä dielä.
Ämma Qaçaqlar idaräse süzçese Rupert Colville Azatlıq radiosı belän telefon aşa söyläşüdä
AUDİO: Bez terrorçılarnı häm cinayätçelärne yaqlarğa tırışu turındağı ğäyepläwlärne tulısınça kire qağabız dide.
BMOnıñ ber xisabında küpläp üterü dip atalğan Ändican waqıyğalarınnan soñ may ayında Üzbäkstannan Qırğızstanğa yözlärçä keşe qaçtı. Qaçaqlar idaräse alarnıñ küpçelegen qaçaqlar dip tanıdı häm Qırğızstannan Romaniağa küçerde.
Qırğızstandağı totqarlaw üzägendä totılğan, sıyınu sorawçı 15 keşeneñ 11-enä inde qaçaq statusı birelde. Üzbäk prokuraturası qalğan 4 keşene terrorçı häm röxsätsez narkotiklar satuçı dip Üzbäkstanğa tapşırunı taläp itä.
