Bağdad -- Ğiraq häm amerikan xärbiläre tönyaq-könbatıştağı Tal Afar qalasın ğisyançılardan arındıru maqsatında kiñ külämle operatsiä başqara, dip xäbär itelä. Ğiraqnıñ saqlanu minsitrı Sadun Dulaimi anda 150läp ğisyançı yuq itelgän, 5 Ğiraq xärbie häläk bulğan, dip belderde. Bu sannar bäysez çığanaqtan raslanmağan. Berniçä kön barğan näticäsez bäreleşlärdän soñ, comğa könne Ğiraqnıñ premier-ministrı İbrahim Cafari Tal Afarda höcüm başlarğa färman birde. Amerikan xärbiläre äytüençä, Süriä çige buyında urnaşqan bu qala Ğiraqqa ütep kerüçe çit il suğışçılarınıñ töp nığıtması bulıp tora.
