Accessibility links

якшәмбе, 11 декабрь 2016, Казан вакыты 01:20

AQŞ saqlanu ministrı Donald Rumsfeld Berlinda NATO wäkilläre belän oçraşa


AQŞtan Berlinğa yul totqan amerikan saqlanu ministrı Donald Rumsfeld, Londonda qısqa waqıtqa tuqtalış yasağanda, NATO illärenä, Äfğanstandağı ğäskärlärgä bulğan çikläwlärne ğämäldän çığarırğa quşırğa cıyınuın xäbär itte. Rumsfeld Berlinğa NATO saqlanu ministrları belän räsmi bulmağan oçraşuğa kilde.

NATO wäkile James Appathurai, tönyaq saqlanu berlege Äfğanstanda üz wäkälätlären kiñäyätäçäk, dip belderde: "NATO il buylap cawaplılıqnı äkrenläp üz qulına alaçaq. Xalıqara İminlek Saqlawğa Yärdäm İtü Köçläre Qabuldan , tönyaq häm könbatıştan tış – könyaq häm könçığışqa kiñäyäçäk" .

Britaniä saqlanu ministrı John Reid, bügen Äfğanstannıñ könyağına östämä ğäskär cibärüne sorap möräcäğät itte.

18 sintäber könne Äfğanstanda parlament saylawları ütäçäk. Prezident Hamid Qarzai xalıqnı - ğädel nämzätlär öçen tawış birergä çaqırdı. İlneñ könbatışındağı Herat şähärenä säfärendä Qarzai, şulay uq xalıqara cämäğätçelekne Äfğanstannı yaqlarğa çaqırdı. Saylawlarda nämzätlär arasında 4 Taliban wäkile dä bar, alarnıñ berse – elekke tışqı eşlär ministrı Wäkil Ahmad Muttawäkil.

XS
SM
MD
LG