Оскар бүләгенә намзәтләр игълан ителде

Американың кино сәнгате һәм фәннәре академиясенең “Оскар” бүләге ел саен төрле номинацияләрдә иң яхшы фильмнарга тапшырыла. Кино өлкәсендә “Оскар” иң абруйлы бүләк санала, аңа ирешү – фильм өчен иң югары дәрәҗә.

Быел премия тантанасында юбилей – ул 85нче тапкыр үткәрелә. Аны күренекле актер һәм режиссер Сет Макфарлейн алып барачак. Рәсми булмаган чыганаклар хәбәр иткәнчә, тантана уйлап чыгарылган кино персонажы – Джеймс Бонд белән бәйле булачак.

Гыйнвар ахырында экраннарга чыгачак Стивен Спилбергның “Линкольн” (“Lincoln”) фильмы – быел номинацияләр саны белән алдынгы урында. Ул 12 премиягә дәгъва итә. Икенче урында (11 номинация) – хәзер прокатта барган “Пи гомере” (“Life of Pi”).

Төп номинацияләрдә намзәтләр исемлеген сезгә дә тәкъдим итәбез. Тулы исемлек белән биредә танышып була (инглиз телендә).

Иң яхшы фильм

• “Ирекле Джанго” (“Django Unchained”)
• “Пи гомере” (“Life of Pi”)
• “Кыргый Көньяк хайваннары” (“Beasts of the Southern Wild”)
• “Линкольн” (“Lincoln”)
• “Мәхәббәт” (“Amour”)
• “Өмет чаткылары җыентыгы” (“Silver Linings Playbook”)
• “Арго” (“Argo”)
• “Читкә кагылганнар” (“Les Misérables”)
• “Җиде төн уртасы” (“Zero Dark Thirty”)

Иң яхшы анимация фильмы

• “Паранорман” (“ParaNorman”)
• “Пиратлар! Уңышсызлар бандасы” (“The Pirates! In an Adventure with Scientists!”)
• “Ральф” (“Wreck-It Ralph”)
• “Франкенвини” (“Frankenweenie”)
• “Батыр” (“Brave”)

Чит телдә иң яхшы фильм

• Австрия – “Мәхәббәт” (режиссер: Михаэль Ханеке)
• Дания – “Патшалар романы” (“En kongelig affære”; режиссер: Николай Арсел)
• Канада – “Гыйсъянчы” (“Rebelle”, режиссер: Ким Нгуйен)
• Норвегия – “Кон-Тики” (“Kon-Tiki”, режиссерлар: Хоаким Роннинг һәм Эспен Сандберг)
• Чили – “Юк” (“No”, режиссер: Пабло Ларрей)

Иң яхшы режиссер

• Бен Зайтлин – “Кыргый Көньяк хайваннары”
• Дэвид О. Рассел – “Өмет чаткылары җыентыгы”
• Михаэль Ханеке – “Мәхәббәт”
• Стивен Спилберг – “Линкольн”
• Энг Ли – “Пи гомере”

Иң яхшы актер

• Брэдли Купер – “Өмет чаткылары җыентыгы”
• Дензел Вашингтон – “Экипаж”
• Дэниэл Дэй-Льюис – “Линкольн”
• Хоакин Феникс – “Остаз”
• Хью Джекман – “Читкә кагылганнар”

Иң яхшы актриса

• Джессика Честейн – “Җиде төн уртасы”
• Дженнифер Лоуренс – “Өмет чаткылары җыентыгы”
• Эмманюэль Рива – “Мәхәббәт”
• Наоми Уоттс – “Мөмкин булмаган”
• Квинзан Уоллис – “Кыргый Көньяк хайваннары”

Иң яхшы грим һәм чәчтараш

• “Читкә кагылганнар”
• “Хичкок”
• “Хоббит: Көтелмәгән сәяхәт”

85нче Оскар премиясен тапшыру тантанасы 24 февраль көнне Лос-Анджелеста узачак.