Сухуми – Грузия хөкүмәте Русия президенты Дмитрий Медведевның бүген көтмәгәндә Абхазиягә килүенә тәнкыйть белдерә.
Грузиянең премьер-министр урынбасары Тимур Якобишвили сүзләренчә, бу сәфәрнең максаты – игътибарны үз илендәге янгыннардан читкә юнәлтү. Бу сәфәрдән соң Кавказ төбәгендә берни дә үзгәрмәячәк, диде ул.
Русия белән Грузия арасындагы сугыш башлануга бүген 2 ел тулды. Шушы уңайдан ясаган сәфәре вакытында Медведев Абхазия җитәкчесе Сергей Багапш белән сөйләшүләр үткәрде. Русия президенты Грузиянең бу үзбилгеләнгән төбәге белән сәяси, икътисади һәм иминлек өлкәсендә мөнәсәбәтләрне ныгытырга вәгъдә итте.
2 ел элек булган кораллы низагтан соң Мәскәү Абхазия белән Көньяк Осетиянең бәйсезлеген таныган иде. Бүген Медведев, бу карар дөрес булган, ул төбәктә “кан коюны” булдырмаска ярдәм итте, дип белдерде.
Грузиянең премьер-министр урынбасары Тимур Якобишвили сүзләренчә, бу сәфәрнең максаты – игътибарны үз илендәге янгыннардан читкә юнәлтү. Бу сәфәрдән соң Кавказ төбәгендә берни дә үзгәрмәячәк, диде ул.
Русия белән Грузия арасындагы сугыш башлануга бүген 2 ел тулды. Шушы уңайдан ясаган сәфәре вакытында Медведев Абхазия җитәкчесе Сергей Багапш белән сөйләшүләр үткәрде. Русия президенты Грузиянең бу үзбилгеләнгән төбәге белән сәяси, икътисади һәм иминлек өлкәсендә мөнәсәбәтләрне ныгытырга вәгъдә итте.
2 ел элек булган кораллы низагтан соң Мәскәү Абхазия белән Көньяк Осетиянең бәйсезлеген таныган иде. Бүген Медведев, бу карар дөрес булган, ул төбәктә “кан коюны” булдырмаска ярдәм итте, дип белдерде.