19 августта Казан заманча сәнгать галереясендә "Әлиф" иҗат берләшмәсенең дүртенче проекты тәкъдим ителде. Режиссер Туфан Имаметдинов Дәрдмәнд шигырьләренә нигезләнеп "Дәрдмәнд" импровизациясен иҗат иткән. Аны татар театр сәнгатендәге беренче канлы спектакль дип тә атарга мөмкин.
Федераль иминлек хезмәтенең Татарстан идарәcе Казан мәчетләренә видеокамералар урнаштыруга катнашы булмавын белдерде. ФСБ идарәсе моның өчен Татарстан элемтә министрлыгын җаваплы итеп күрсәтә.
Татар телен рәсми рәвештә якларга җыенуын сайлауга баручы бер генә фирка – "Гадел Русия" белдерде. "Русия коммунистлары" вәкиле татар теле мәсьәләсен күтәрергә хакимияттән тыю булуын әйтте. Ә "Яблоко"дан баручы намзәт татар телен аланнарда гына укытырга тәкъдим итә.
Нурбәк Батулла Габдулла Кариев исемендәге яшь тамашачы театрыннан китүен җылы урынга, тотрыклылыкка ияләшүдән куркуы белән аңлатты.
Казанның Бишбалта бистәсендә лашманнарга музей булырга тиеш дип саный тарихчы Илшат Фәйзрахманов. Тик бистәне төзекләндерүнең түрәләр килештергән планында бу турыда берни язылмаган.
30 августта Татарстан көнендә узачак бәйрәм митингына татар милли хәрәкәт вәилләре Рөстәм Миңнехановны һәм республиканың башка җитәкчеләрен, депутатларын чакырган.
"Печән базары"нда быел 20 мең кеше катнашкан. Түрәләр килүне кирәк дип тапмаса да, сәүдә итүчеләр керемнән канәгать, ә милләтнең үсеше өчен борчылучылар дискуссияләрдә пар чыгарды.
"Миргазиян" мәчетенең элекке имамы Габдрәүф Зәбиров башка төбәкләрдән аермалы буларак Казанда түрәләр мөфтият, җирле дини идарәләр эшенә кысыла дип саный. Имамнар билгеләүне дә түрәләр белән килештерү кирәклеген әйтә ул.
Тел мәсьәләсе Татарстан Дәүләт Шурасының яңа чакырылышы өчен төп мәсьәлә булачак ди парламент рәисе урынбасары Татьяна Ларионова.
ТИҮ активисты Казанда Хөррият һәйкәлен җимермәүне таләп итеп ялгыз пикет уздырды. Пикетчы Ринат Йосыпов Татарстанның ирек символы булган һәйкәлнең язмышына карата халыкны уяу булырга чакырды.
1552 елда Казанны яклап шәһит китүчеләр истәлегенә куелган таш юкка чыккан. Милли хәрәкәт активистлары бу беренче очрак түгел, ди.
30 сәгать мәҗбүри эшкә хөкем ителгән активист Гөлназ Равилова Казандагы чәчәк түтәлләрендәге чүпне утый. Ул моны җиңел хөкем дисә дә, мондый эшләрне мыскыллау дип бәяли.
дәвам
