Киләсе берничә елда Франциянең зур ширкәтләре җитәкчелегенә 1350ләп хатын-кызны эшкә алырга кушылган. Гыйнварда кабул ителгән канун нигезендә, 2017 елга еллык табышлары 50 миллион евродан арткан ширкәтләрнең идарә шураларында 40% хатын-кызлар булырга тиеш.
Бу канунны үтәмәгән ширкәтләрне җәза көтә.
Франциягә кадәр шундый ук канун Испаниядә дә кабул ителде. Биредә ул 2015 елда гамәлгә керәчәк.
Беренче ил булып җитәкче урыннарга хатын-кызлар өчен квоталарны сигез ел элек Норвегия кертте. 2003 елда Норвегиядә җитәкче урыннарда хатын-кызлар 7% булса, 2008 елда бу сан инде 40% җиткән иде. Бу илдә балалар, хокуклар тигезлеге һәм интеграция эшләре министрлыгы да бар. Министр сүзләренә караганда, квота кертү мәҗбүр ителмәгән ширкәтләр дә идарәдә хатын-кызлар күп булган компанияләрнең уңышларына карап, үзләренә дә хатын-кызларны эшкә ала башлаган.
Әмма хатын-кызлар килде дә, үсеш һәм табыш шунда ук артты, дип әйтеп булмый. Беренче елларда Норвегия ширкәтләренең финанс хәле җитәкчелеккә яңа кешеләрнең килүе нәтиҗәсендә начарайган. Әмма моны хатын-кызларның булдыксызлыгы белән аңлату дөрес түгел, ди белгечләр.
Канунны тиз арада үтәү бурычы куелган ширкәтләр ашыгыч рәвештә тапкан хатын-кызларның барысының да идарә итү сәләте булмаган. Еллар узган саен һөнәри осталык арткан.
Квота сүзе – милләткә кагыламы ул, дингәме, җенескәме – ишетергә һәм кабул итәргә бик рәхәт төшенчә түгел. Әмма квоталарны сабырлык белән гамәлгә керткән илләр һәм җәмгыятьләр аның файдасын күрә.
Бу канунны үтәмәгән ширкәтләрне җәза көтә.
Франциягә кадәр шундый ук канун Испаниядә дә кабул ителде. Биредә ул 2015 елда гамәлгә керәчәк.
Беренче ил булып җитәкче урыннарга хатын-кызлар өчен квоталарны сигез ел элек Норвегия кертте. 2003 елда Норвегиядә җитәкче урыннарда хатын-кызлар 7% булса, 2008 елда бу сан инде 40% җиткән иде. Бу илдә балалар, хокуклар тигезлеге һәм интеграция эшләре министрлыгы да бар. Министр сүзләренә караганда, квота кертү мәҗбүр ителмәгән ширкәтләр дә идарәдә хатын-кызлар күп булган компанияләрнең уңышларына карап, үзләренә дә хатын-кызларны эшкә ала башлаган.
Әмма хатын-кызлар килде дә, үсеш һәм табыш шунда ук артты, дип әйтеп булмый. Беренче елларда Норвегия ширкәтләренең финанс хәле җитәкчелеккә яңа кешеләрнең килүе нәтиҗәсендә начарайган. Әмма моны хатын-кызларның булдыксызлыгы белән аңлату дөрес түгел, ди белгечләр.
Канунны тиз арада үтәү бурычы куелган ширкәтләр ашыгыч рәвештә тапкан хатын-кызларның барысының да идарә итү сәләте булмаган. Еллар узган саен һөнәри осталык арткан.
Квота сүзе – милләткә кагыламы ул, дингәме, җенескәме – ишетергә һәм кабул итәргә бик рәхәт төшенчә түгел. Әмма квоталарны сабырлык белән гамәлгә керткән илләр һәм җәмгыятьләр аның файдасын күрә.