Кавказ яшьләренең Казан үзәгендә милли биюләрен башкару видеоязмасы интернетта шау-шу уятты. Этнология белгече бу яшьләрне гаепли. Яшьләр аның белән килешми.
Казан федераль университетының этнология һәм археология кафедрасы галимәсе Татьяна Титова бу яшьләрне гаепли. Әлеге күренешне ул тәртипсезлеккә алып баручы “кавказский этнодансинг” дип атый.
Биюләрне оештыручы яшьләр исә, “Биюдә бер дә начарлык та юк, аны тикшергәнче җитәкчелек башка мөһимрәк социаль проблемаларга игътибар итсен иде”, ди.