Иранда АКШ илчелеге басып алынуының 32нче елы билгеләнә

Иранда бүген узучы демонстрацияләрдән бер күренеш

Иран бүген Тәһрандагы АКШ илчелегенең 1979 елда басып алынуының чираттагы елын билгеләп үтә.

Тәһранда Америкага каршы шигарьләр тотып меңнәрчә кеше урам җыеннарынды катнаша.

32 ел элек, Мөхәммәд Риза Пәхләви шаһны бәреп төшергән Иран ислам инкыйлабыннан соң, аятулла Хөмәйни радикал тарафдарлары АКШ илчелеген басып ала. Алар 444 көн дәвамында 50 Америка ватандашын тотык итеп тота.

Нәтиҗәдә Вашингтон һәм Тәһран арасында дипломатик мөнәсәбәтләр өзелде. Алар бүгенге көнгә дә шул хәлдә кала.