25 декабрь көнне Мәскәүнең татар мәдәни үзәгендә балалар өчен Чыршы бәйрәме булып үтте.Әти-әниләре белән бәйрәмгә килгән алтмыштан артык бала Кыш бабай һәм Кар кызы белән очраштылар, Убырлы карчык һәм Шүрәле белән таныштылар. Алардан котлаулар һәм бүләкләр алдылар.Чыршы бәйрәмендә кунакларны шулай ук киләсе ел символы – Аҗдаһа да котлады.
Балалар өчен бәйрәмне милли үзәк каршында эшләп килүче түгәрәкләр белән берлектә яшьләрнең “Бердәмлек” оешмасы алып барды. Бәйрәмгә килүчеләр викторина сорауларына җаваплар биреп, Татарстан, Казан атамаларын, “Рубин”, “Ак барс” дигән исемнәрне дә яхшы белүләрен күрсәттеләр. Төрле төркемнәргә бүленеп, җанатарлар булып та уйнадылар.
Әти әниләр бәйрәмнән бик канәгать калганнар. Балалары бәйрәмдә катнашкан, мәдәни үзәккә түгәрәкләргә йөрткән Әлфия ханым болай диде:
Әле аларның мәктәпләрендә толерантлыкка багышланган очрашу узган. Анда район җитәкчеләре дә катнашкан. Шунда минем кызым татарча җырлады. Бик сокланып тыңладылар, хәтта бүләкләр дә бирделәр. Шулай итеп, безнең татарча белүебез милли үзәк кысаларында гына калмый. Казанга барып, анда да чыгыш ясадык. Әле “Мөселманнар” тапшыруында да җырлады безнең балалар. Без бик горурланабыз мәдәни үзәккә йөрүебез белән”.