Башҡортостанда йәштәрҙә илһөйәрлек тойғоларын тәрбиәләү үҙәге булдырыласаҡ. Республика хөкүмәте ошо йүнәлештә яңы проект әҙерләй. Был юҫыҡта 2016 йылға тиклем иҫәпләнгән документ та бар. Программала студенттар менән эшләү айырым билдәләнгән. Илһөйәрлек тойғоларын тәрбиәләү үҙәге иһә йәштәрҙе рухи, физик яҡтан камиллаштырырға тейеш. Бынан тыш, ул министрлыҡ һәм ойошмаларҙың ошо йәһәттән алып барған эштәрен бер урынға туплаясаҡ. Хөкүмәт программаһының нигеҙе социологик тикшереүҙәрҙән тора.
