27 гыйнварда Мәскәүнең татар мәдәни үзәгендә кызыклы бер очрашу узды. Мәдәни үзәкнең залында мәскәүләр Ригадан килгән опера җырчы Элина Шиһабетдинова, Петербурдан Мария театры солисты Тимур Әбдекиев, Америкада яшәп иҗат итүче Казан егете Рөстәм Енгалечев белән очрашты һәм аларның җырларын, чыгышларын тыңлады.
Очрашуны Мәскәү өлкәсе милли мәдәни мохтарият җитәкчеләренең берсе, эшкуар Фаил Ибәтов оештырган. Бу очрашуны оештыру фикере ничек тууы хакында ул болай диде:
Очрашуны Рөстәм Енгалечев алып барса да, чыгыш ясаучылар үзләре турында үзләре дә сөйләп уздылар. Ригада туган Элина Шиһабетдинова: “ Тамырларым Казанга барып тоташа. Минем бабай беренче курчак театры оештыручы булган, әбием Тинчурин исемендәге театрда эшләгән. Данлыклы дирижер Нияз Даутов да миңа туган тиешле кеше”, диде. Ә инде үз репертуарында татар җырлары барлыкка килүдә Петербурда яшәгән, Рөстәм Яхинның якын дусты булган Сайра ханым Велшакова сәбәпче дип, зур рәхмәтләр белән аны да искә алды.
Элина Шиһабетдинова Петербур консерваториясен тәмамлаган, күп төрле фестивальләрдә чыгыш ясап, лауреат исемнәре алган. Безнең тамашачылар аның чыгышына бәя биреп, тавышы бик матур, ләкин татарча җырларында сүзләре аңлашылмый, акцент бик көчле, дип белдерделәр. Моңа каршы Элина, “мин 15 телдә җырлыйм , бар телдә дә акцент белән”, дип җавап бирде.
Очрашуда әнисе Зәкия ханым да бар иде. “Тимур Бакуда туды. Безнең төп чыгышыбыз – Пенза өлкәсе. Мин улымның уңышларына бик сөенәм. Бигрәк тә үзебезнең тамырларыбызга тартылуы минем өчен бик шатлыклы”, диде ул.
Очрашуда катнашучыларның тагы берсе – Рөстәм Енгалечев. Казанда туган, Мәскәүнең Щепкин исемендәге театр училищесын тәмамлаган. Ун ел инде Нью Йоркта яши.
Шулай итеп, өч татар баласы дөньяның төрле почмакларында яшәсәләр дә, менә хәзер алар өчәүләшеп Русиянең байтак кына шәһәрләрендә татарча әсәрләр дә кергән үз программаларын күрсәтергә җыеналар.