НАТО җитәкчесе Русияне Украина көнчыгышыннан гаскәрләрен алырга чакырды

Йенс Столтенберг

НАТО Генераль секретаре Йенс Столтенберг Украина көнчыгышында һәм шулай ук чикнең Русия ягында гаскәрләрнең туплануын белдерде һәм Мәскәүне хәрби көчләрен аннан алырга чакырды.

Столтенберг НАТОның мондый мәгълүматка ия икәнен һәм башка чыганакларның да моны раславын әйтте.

"Бу җитди рәвештә хәрби көчләрне куәтләндерү булып тора, һәм без Русияне үз көчләрен кире алырга, тынычлык килешүен сакларга чакырабыз", диде НАТО җитәкчесе Брюссельдә Европа Берлеге илләренең саклану министрлары белән очрашу алдыннан.

Ул Мәскәүне Минскидагы сентябрь килешүен үтәргә чакырды.