Казан соңгы елда Европада үсеп килүче туристик юнәлешләр арасында өченче, ә дөньяда сигезенче урынны алды. Бу хакта TripAdvisor сәяхәтләр сайты белдерә дип хәбәр итә Татарстанның туристлык комитеты матбугат хезмәте.
Соңгы исемлеккә сәяхәтчеләрнең кызыксынуы арткан, уңай фикерләр күбәйгән дөньяның төрле илләрендәге 52 урын кергән. Җиңүчеләрне билгеләгәндә, беренче чиратта, кунакханәләр, рестораннар һәм истәлекле урыннар турында уңай фикерләрнең үсә баруы исәпкә алынган.