Кызыл Башкирия халкы сусыз интегә
Your browser doesn’t support HTML5
Башкортстанның Әбҗәлил районы Кызыл Башкирия авылында яшәүчеләр Башкортстан-Чиләбе төбәкара юлын капларга җыена. Дүрт меңгә якын кеше берничә ай рәттән сусыз интегә. Алар әйтүенчә, су монда тик бәйрәмнәрдә генә бирелә. Халыкның тәмам чыдамлыгы беткән. Соңгы вакыт авыл халкы еш кына урамда җыела. Авыл янынан бер елга да, шишмә дә акмый. Шулай ук сафта булган колонкалар да юк. Урындагы хакимият бу мәсьәләне хәл итү өчөн су сату автоматын урнаштырган. Авыл халкы аннан суның бер литрын өч сумга сатып ала.