Эдуард Салман улы Кульпин-Гобәйдуллин - тарихчы, икътисадчы, Шәрыкны өйрәнгән фәлсәфәче иде. Икътисад фәннәре кандидаты, фәлсәфә фәннәре докторы, тарих кафедрасы мөдире, Русия фәннәр академиясенең баш фәнни хезмәткәре, "Тарих һәм замана" исемле журнал авторы иде. Җиде буын социаль-демографик циклларны өйрәнеп язган 300дән артык фәнни эш арасында Алтын Урдага һәм кырымтатарларның XXI гасырдагы тарихына багашланганнары аерым урын алып тора.
1992 елдан бирле Кульпин-Гобәйдуллин ел саен Кырымда "Табигать һәм кеше - социотарих проблемаларына" багышланган халыкара конференция оештыра иде. 2011 елда галим Бекир Чобан-заде исемендәге халыкара бүләккә лаек дип табылды.
Кульпин-Гобәйдуллинның бабасы төрки халыкларның мәдәниятен һәм тарихын өйрәнгәне өчен атып үтерелгән күренекле татар галиме Газиз Гобәйдуллин. Алар якын дусты танылган кырымтатар галиме һәм сәясәтче Бекир Чобан-заде белән икесе дә 1937 елда атып үтерелгән.
2007 елда Казанда Газиз Гобәйдуллинның тууына 120 ел тулуга багышланган фәнни-гамәли җыен оештырылды.