69 яшендә Британия һәм бөтен дөньяда танылган рок музыка остасы Дэвид Боуи вафат булды.
Британиядә 69 яшендә яман шеш авыруыннан танылган җырчы һәм композитор Дэвид Боуи вафат булды. 8 гыйнвар туган көнендә Боуи үзенең 29нчы альбомын тәкъдим иткән иде. ББС мәгълүматларына караганда, музыкантның 50 елдан артык иҗаты дәвамында дөнья буйлап 140 миллионнан артык җыентыгы сатылган.
1970нче елларда Дэвид Боуи ике тапкыр Советлар Берлегендә булып, бер сәфәрендә Мәскәүдән Ерак Көнчыгышка кадәр поезд белән барып кайтты. Блогерлар аның бу хактагы истәлекләрен җыеп бастырды. Боуи беренче тапкыр дөньяга 1969 елда үзенең "Space Oddity" исемле җыры белән танылды.
Your browser doesn’t support HTML5
Дэвид Боуи "Space Oddity"