Таиландта су баскан тау куышыннан уникенче баланы һәм тренерны коткардылар.
Бу хакта коткаручыларга нигезләнеп, Таиландның Spring News телеканалы хәбәр итә.
Зыян күрүчеләрне боралакларда Чиангарай шәһәре хастаханәсенә китергәннәр. Әлегә аларны карантинда тоталар. Беренче көннәрдә балалар ата-аналарын пыяла аша гына күрә алачак.
Яшүсмерләр футбол такымының 12 спортчысы һәм тренеры 23 июньдә юкка чыкты. Ун тәүлеккә якын вакыт узганнан соң аларны Тхам-Луанг тау куышында таптылар.
Коткару эшләрендә илнең хәрби-диңгез флоты әгъзалары, чит ил дайверлары да катнашты.