Полиция Таиландның төньяк-көнчыгышында Накхонратчасим шәһәрендә атыш оештырган хәрбине атып үтергән. Бу хакта Reuters агентлыгы илнең иминлек көчләрендәге чыганакларга сылтанып хәбәр итте. Атыш нәтиҗәсендә үлүчеләр саны 26га җиткән.
Һөҗүмче сәүдә үзәгендә үтерелгән, анда ул тоткыннарны тотып торган. Сигез кеше азат ителгән, кайберләре яраланган.
The Bangkok Post газеты хәбәр иткәнчә, атыш вакытында полициянең тагын өч хезмәткәре зыян күргән.
Thai PBS телеканалы мәгълүматына күрә, атыш нәтиҗәсендә 63 кеше зыян күргән. Аларның 13е җирле хастаханәгә китерелгән.
Таиланд премьер-министры Прают Чан-Оча бу хәрби йортын сату проблемалары аркасында ут ачкан дип белдерде.
Шимбә көнне армиясенең бер хәрбие башкала Бангкоктан 250 чакрым ераклыкта урнашкан Накхонратчасим шәһәрендә башта будда гыйбадәтханәсендә, аннары сәүдә үзәге янында үтеп баручыларга ут ачты дип хәбәр итте "Хау сот" газеты. Моңа кадәр ул өч офицерны атып үтереп хәрби машинаны куып алып киткән.
Шикләнелүче Джакрапант Томма үз гамәлләрен фейсбукта күрсәтеп барган. Хәзер аның фейсбук хисабы блокланды.
อิเหี้ย โคราชมีกราดยิงกลางเมืองแถวห้างเทอมินอล น่ากลัวสัสกระจายข่าวด่วน พื้นที่อันตราย#กราดยิงทั่วเมืองโคราช#CUTUBALL74#ไวรัสอู่ฮั่น pic.twitter.com/tgsaEkUOOO
— อิหมิน (@mhinbeauty) February 8, 2020
Полиция белдерүенчә, шикләнелүче сәүдә үзәгенең дүртенче катында 16 кешене тотык итеп алган.
Pls help pray for thailand this is dangerous situations in there Everyone in thailand if you are in that area, stay safe and be careful #กราดยิงโคราช pic.twitter.com/9hR5duEhBN
— May🦋🍀 (@maylalice) February 8, 2020
Бинага махсус көчләр китерелгән. Сәүдә үзәге полиция тарафыннан әйләндереп алынган, районда хәрәкәт ябылган.