Bağdad -- Ğiraqta bulğan ike intihar höcüm näticäsendä 100gä yaqın keşe häläk bulğan. Könyaqtağı Qarbala qalasında, ber intiharçı üzen şiğilärneñ üzge urını - İmam Xösäyen törbäse yanında şartlatqan. Näticädä kimendä 50 keşe häläk bulğan, 50dän artığı yaralanan. Berniçä säğättän Ramadi qalasında tağın ber intiharçı üzen politsiä bülege yanında şartlatqan. Anda kimendä 50 keşe häläk bulğan, 40tan artığı yaralanğan. Monnan tış tağın Bağdadta 3 şartlaw bulğan. 3 atna elek ütkän parlament saylawlarınnan soñ bu Ğiraqta iñ küp qorban kitergän kön buldı.
