Mäskäw -- Bıyıl Rusiä Könçığış Seberdän Tın Okeanğa taba neft ütkärgeçe suza başlıy. Bu turıda comğa könne Yakitiädä Rusiä prezidentı Vladimir Putin iğlan itte. "Projektnı ğämälgä quyu öçen küp waqıt kiräk buldı, älegä bar närsä dä kileşenep betmägän. Bu eş Aprildä tämamlanaçaq. Cäy köne eş başlanaçaq," dide ul. Ütkärgeçneñ ozınlığı 4200 çaqırım bulaçaq. Proyektnıñ bäyäse – 15 milliard dollar. Bu ütkärgeç Qıtay, Könyaq Korea, İndoneziä, Avstraliägä yılına 80 million tonna neft quarğa mömkinlek birer dip kötelä. Putin süzlärençä, Ütkärgeçneñ berençe öleşe 2008 yılda äzer bulaçaq.
