İsegezgä töşeräbez, 2004 yılnıñ dikäberendä Blagoveçenda militsiä tazartu ütkärgän ide. Ul tazartuda meñnän artıq keşe “çistarğan”, yağni, tuqmalğan, böyerläre töyelgän, mobil telefon häm säğätläre izelgän ide. Keşe xoquqları oyışmasınıñ Başqortstan bülekçäse räise urınbasarı Vyaçeslav Bikbulatov älege uñaydan Mäskäwdä matbuğat oçraşuı ütkärgän. Oçraşu Rusiä däwlät duması binasında uzğan. Anda Bikbulatov bolarnı militsiägä qarşı çara dip bäyäläwen beldergän. Anıñ süzlärençä, respublikanıñ Eçke eşlär ministrlığı citäkçeläre östennän kompromat cıyu oyıştırılğan. “Älege eşkä militsiä, prokuratura häm mäxkämädä eşläwçelär dä cälep itelä. Bu kampaniä ayırım finans-sänägät törkemnäre zakazın üti”. Bikbulatov bu kampaniägä aqça bülüçelär arasında Boris Berezovskiy da bar dip, anıñ ber million amerika dolları bülüe turında mäğlümatqa iä buluı turında da beldergän. Xoquqçı Blagoveçenda başlanğan mäxkämäneñ ğädel qarar çığaruına şik beldergän. Anıñ uyınça, sudyanıñ ire dä militsiä tarafınnan totqarlanğan bulğan häm bu döres qarar çığaruğa qomaçawlayaçaq.
Respublikadağı oppozitsiädäge qayber xoquqçılar Bikbulatovnıñ bu adımı üze ük zakaz buyınça xakimiät tegermänenä su qoyu bulıp tora dip bäyäli.
Respublikadağı oppozitsiädäge qayber xoquqçılar Bikbulatovnıñ bu adımı üze ük zakaz buyınça xakimiät tegermänenä su qoyu bulıp tora dip bäyäli.